 |
| Rika esih ngudud? Apa ora wedi mati? |
Nang kene sapa sing ngudud cuuung? Keluargane rika,
kakange rika, ramane rika, adine rika, mbahe rika, biyunge rika, apa malah rika
dewek sing ngudud? Halah nek ngudud emang nengapa wong enak bee. Nek ora
ngrokok ya kecut rasane. Kaya kue mbok? haha.
Rika termasuk
ekspresi sing ndi nek maca artikel mbahase udud bae udud bae. Apa maning nek mbahase
babagan kerugian ngudud kana kene akeh rugine wkwkw
 |
| Ekspresine nyong nek maca tulisan babagan udud |
SEJARAHE UDUD
Kiye tek jlentrehna sending babagan udud. Nyong ya
jane wis sue koh penasaran jane udud miki-mikine sekang ngendi. Bisa-bisane
nggal dina mesti bae ketemu wong sing agi ngudud. Anu nyong ora ngerti rasane
ya dadi penasaran.
4000 taun mbingkana, suku Indian, suku Maya, karo suku
Aztec sekang Amerika wis nganggoni mbako
sing dibakar terus disedot nganggo pipa. Kue wis dadi kebiasaan nek suku-suku
pada kumpul ben hubungane tambah erat. Tapi seliyane nguatna hubungan
suku-suku, akeh sing manfaatna mbako dinggo nang babagan medis utawa
obat-obatan. Nek mbako nang suku Indian dinggo media ritual meng dewa-dewa.
 |
| Suku Indian ngudud nganggo pipa dawa |
Nang abad-16 sing lewih terkenal karo jeneng “ekspedisi Colombus”, Christoper
Colombus karo rombongane teka sekang Spanyol meng Amerika. Nang kana rombongan
kue pada njejel nyedot mbako sing dibakar. Bar kue nang rombongane Christoper
Colombus budaya “ngudud” digawa meng benuane, yakue benua Eropa.
Pas budaya ngudud wis digawa tekan benua Eropa, ana
diplomat Perancis sing pengin nyebar budaya ngudud meng kabeh daerah nang
Eropa. Jeneng diplomate Jean Nicot. Jean
Nicot ya ngirim mbako mbarang meng Ratu Catherine de Medici nggo obat migran
(lara sirah sebelah), ndilalahe ya jodo. Nggo kehormatan dadine kue jeneng
diplomate dinggo nang istilah nicotiana/nikotin.
Gara-gara kue kalangan bangsawan Eropa pada seneng ngudud. Ora kaya suku Indian
sing manfaatna udud nggo upacara ritual, kalangan bangsawan Eropa ngudud kur
nggo seneng-seneng tok.
Pokoke mbako tambah mengeneh tambah populer, dadi taneman
sing bisa didadikna obat-obatan. Mbako bisa diarani obat sing mujarab. Mbako
bisa disedot utawa didamu, ngudud nganggo pipa, dikunyah, lan dinggo ngrawat
pileg, sirah lara, lara untu, kulit, karo penyakit nular.
Ana maning John
Rolfe sing mbudidayakna wit mbako nganti skala sing gede, nganti ana perdagangan
karo pengiriman mbako mengendi-ngendi.
Pass abad-17, bakul-bakul Spanyol mlebu Turki sing notabene negara Islam. Bar kue budaya ngudud
gampang mlebu negara-negara lewat perdagangan.
Owalah lur
lur. Arep dijlentrehna sending babagan mbako, malah dadi sadawan-dawan. Wong
jebule sejarah kue dawa ya kepriwe maning ya hehehe.
-------
Sing urung ngerti risikone ngudud apa bae, Ya tek
jlentrehna. Nek kiye insyaAlloh sending ya ora sadawan-dawan wkwkw
 |
| risiko wong ngudud apa bae jel |
- Kanker paru – paru
- penyakit jantung
- kanker mulut
- kanker tenggorokan
- kanker pancreas
- kanker darah (leukimia)
- kanker kandung kemih
- ginjal
- pengerasan pembuluh darah
- bronkritis kronis
- asma
- TBC
- lemak jahat tambah akeh
- lan liya-liyane
Kuwe, medeni mbok? Akeh temen ya risikone. Ana maning kakehan ngudud raine dadi cepet kriput, raine ya dadi keton tambah tua. Tapi nek pancen tua, arep ngudud ora ngudud ya pada kripute hahaha
Tapi jenenge wong ngudud, kayong ora kena dinyang
maning ya? Terus kepriwe jejel. NEK ORA NGUDUD,
GENAH DADI ….
- Pait
- Kecut
- Ora fokus + dadi stress
- Ora bisa turu
- Dadi gangguan mental
- Apa maning jel?
Urung maning derita dioprak-oprak biyunge karo
mbekayune ben kon aja ngudud. Jan mumete ya hahaha
UDUD LEGAL
APA ILEGAL?
Pemerintah nerapna pajak udud pada karo barang
konsumsi legal liyane sing ana nang negara kiye. Yakue nang Undang-Undang Nomer
39 tahun 2007, lan pajak liyane sing diatur nang Peraturan Menteri Keuangan. Nek
udud kue produk ilegal mesti negara ora bakal ngakuni udud dadi pungutan resmi
nggo pendapatan negara. Nek udud kue produk ilegal, mesti ana hukum
perundang-undangan sing ngatur babagan larangan produksi udud lan konsumsi produke.
Udud kretek sing dadi tonggak sejarah udud nang Indonesia
ana loro komponen bahan bakune, yakue mbako karo cengkeh. Loro komponen bahan
baku kue taneman perkebunan sing diakui dadi komoditas perkebunan sing ana nang
Indonesia. Payung hukume Undang-Undang Nomer 39 Tahun 2014 babagan perkebunan.
NENGAPA
NYONG GAWE TULISAN KIYE?
Wingi-wingi nyong ngerti nang beranda fesbuk ana sing
mbagikna artikel babagan udud. Ya pancen ora salah, malah bermanfaat. Sing dilewih-lewihna
nang sing mbagikna ya kue mbully
wong ngudud nganah-ngeneh lan mbuh sapa sing dimaksudna.
Sing tek takokna nang awakku dewek, apa enggane
keluargane apa tanggane ora ana sing nandur mbako utawane ngonsumsi produke? Dadine
nyong mandan inisiatif nggolet info babagan mbako karo udud lan tek dadikna
artikel kiye.
Nyong ora paham lan pancen ora nggolet data pira wong
Indonesia sing nandur mbako. Tapi ndeleng Indonesia sing dadi negara agraris, wis
jelas warga sing dadi petani lan bercocok tanam mesti ora sending. Lan bisa bae
petani akeh sing nggantungna uripe sekang nandur mbako.
TERUS DEWEK
KUDU KEPRIWE KIYE?
Pemerintah secara resmi mungut pajak udud. Legal ora? Ya legal.
Mbako karo cengkeh dilarang nang Indonesia? Ora, malah dadi komoditas perkebunan
Indonesia.
Berarti….
Wong ngudud due hak perlindungan konsumen. Aturan hak
kuwe penting mergane jodone hak mesti ana kewajiban. Sing ngudud nduwe hak nggo
ngonsumsi udud, tapi deweke ya duwe kewajiban nggo ngormati hake wong liya sing
ora ngudud.
Siki kudu pada-pada ngrumangsani.
Misale….
Tanggane nyong nandur mbako,
pamane nyong tukuni mbako nggo didol maning.
Ramane nyong ngudud,
kakange nyong ya ngudud mbarang.
Jebul
sedulur kabeh ya….
Sing pengin keluargane ora ngudud, diomongi, dinei
ngerti. Nek masalah bisa apa ora bisa mandegi udud, ya mesti nek diniati ya anu
bisa. Nggari wonge dewek arep kepriwe.
Sing ngudud ya kudu ngrumangsani. Nyong dewek ora ngudud
tapi istilahe dadi “perokok pasif”
mergane wong sing ngudud ora ngormati hake wong liya sing ora ngudud. Dadi ben ora
ana kahanan wong sing ora ngudud mendiskriminasi
hak-hak wong sing ngudud, lan sebalike.
Nek dikulik maning ya jane akeh masalah kana kene
babagan udud.
Misale maning…
Bocah SD wis ngudud asebul kaya kaki-kaki. Jan wis
patut dadi wong tua.
Bar kuwe nggari wong tuane ngomong nganah-ngeneh mbully kana kene.
Ya genah-genah kuwe keluargane dewek, ya diomongi
dewek. Tanggung jawabe keluargane dewek.
Nek ana wong tua ngudud angel diomongi, berarti dewek
kudu ngrumangsani nek wis tua ya ngerti risikone ngerti akibate.
Sing genah…..
Selama kiye udud bisa gawe seduluran dadi cedek. Iya mbok?
Nongkrong karo ngudud, ketemuan kudu ana udud, mbangun umah kudu ana mbako nggo ngudud
sekalian klembake. Lan liya-liyane.
Sing genah
maning, SALAHNA AWAKE DEWEK SEDURUNGE NYALAHNA WONG LIYA.
Nek ditakoni RIKA
ESIH NGUDUD? APA ORA WEDI MATI?
Rika bisa njawab NEK
MATI YA GARI NYELANG REK’E BATIRE.
Hahahaha salam
ngapak, nek ora ngapak ya ora kepenak :D
Waca artikel liyane :
