(Baca versi bahasa Indonesia : Kenalan Sama Blogger Ngapak Kebumen)
Nyong sih yakin
bae nek sing maca tulisanku kiye urung pada ngerti nyong kue sapa. Ya pancen
udu sapa-sapa sih hehehe. Kenalan disit, jenengku Suningsih bisa diundange Sun,
Suning, Suningsih, Ningsih. Ya pokoke jenenge cendek tapi undangane akehe
ngepol koh.
Nyong jan asli
Kebumen temenan. Lair klower nang Peniron, Dukuh Watu Cagak daerah nduwur,
Kecamatan Pejagoan, Kabupaten Kebumen. Umahe biyung ramaku ya ora nang pucuk
gunung banget, tapi pancen nek batirku sing wong-wong kota ngaranine nyong wong
gunung. Ya wong pancen anane, ya kepriwe maning sih ya nggari disukuri.
Sekolahku
ya ora duwur-duwur, TK be ora lulus. Hehehe ya maksude pancen nyong ora
disekolahna TK karo biyunge dadine ora tau ngrasakna lulus sekang TK. Mbiyen
nyong SD nang SD Negeri 3 Peniron lulus taun 2010, SMP-ne nang SMP Negeri 2
Pejagoan lulus taun 2013, SMK-ne nang SMK Negeri 1 Kebumen aring lor prapatan
bale desa Karangsari.
Siki nyong agi sekolah maning nang Universitas Negeri Semarang
sing jerene kampuse nang gunung (ya pancen sih nang Gunungpati), jurusan
Kurikulum dan Teknologi Pendidikan, Fakultas Ilmu Pendidikan. Semester 5 ya tua
lah itungane nek nang kampus kene.
Ngapa sih ya sekolah ko mawi suwe-suwe mawi duwur-duwur. Tapi
jaman semene, menurute nyong sih ya nek arep nuruti gengsi arep golet kerja ya
kayong angel temen hehehe. Ya mbok menawane sekolah mandan adoh nang Semarang
mbok-mbok bisa ngangkat derajate wong tua. Minimale ya bisa ulih nasib sing
lewih apik sekang wong tua sing kur lulusan SD.
Nyong wis gawe blog ping bola-bali awit jaman SMK kelas 1 tekan
wingi-wingi. Ya kue sedina rong ndina nulis, ora tau nulis maning dadine nek
pengin nulis maning malah password bloge kelalen.
Nek siki insyaAllah arep difokusna nang blog kiye. Sengaja blog
nganggo basa jawa ngapak, mbok-mbok mbesuk tulisanku bisa dadi wacanan nggo
wong-wong ngapak kan macane dadi kepenak. Tapi mbok ana wong luar ngapak sing
pengin maca tulisanku, ya karo tek sediakna blog tulisan bahasa Indonesia.
Isi blogku ya apa bae sing wis tek alami sedawane urip. Ya maklum
wong umur wis 20 taun kan akeh seneng susahe, moga-moga isa menghibur karo
menginspirasi. Pokoke ben isa bermanfaat ora kur nggo nyong thok lah.
Isine ya intine tentang keluarga (wis genah sing nggedekna awaku
sekang lair klower), pendidikan (senajan ora TK ya bisa mlebu universitas
walaupun untung-untungan), nyong duwe kemampuan apa bae, ya kabeh lah dalan
uripku tak jlentrehna nang blog kiye.
Dadine mbok menawane mengko dewek bisa kerja sama, ya sukur-sukur
sing sebidang karo hobiku, alhamdulillah. Mulane aja kelalen dibagikna
tulisanku, dikomen rika-rika pengin nyong nulis babagan apa (sing penting
bermanfaat ya), karo langganan bloge nyong ben nek nyong ngupload
tulisan ana pemberitahuan meng rika-rika.
Whatsapp ya bisa nang 085602611767 apa fesbuk Suningsih
El. Instagram ya ana @suningsih_el nang kono ana sebagian
portofolioku tek upload. Blak-blakan bae ya nyong wonge anu pancen ora
seneng basa-basi. Apa maning ditakoni agi ngapa, wis madhang apa urung, jan
nyong greget temenan nek dikayakuekna. Ya mbuh nyong thok apa ana wong liya
sing kaya kue, tapi nyong pancen kaya kue wonge, bebeh nek dipadak-padakna karo
wong liya.
Maning, ana sing ngechat nyong tapi kontake ora ana jenenge
(nyong jarang nyimpeni kontake wong soale hp ne ganti-ganti). Nek ditakoni
malah njawabe sapa jal, jal tebak sapa, sapa hayoo… gemlethek temenan
nyong.
Ya
intine nek ana butuh ngubungi kontak sing wis ana orapapa. Tapi nek bisa aja
basi-basi. Hehehe. Salam ngapak, ora ngapak jere ora kepenak.
