Jejel sapa sing agi maca tulisane nyong, laire taun 90-an? Sebutna taun laire rika-rika pada. Nek nyong lair taun 1998, ya esih mandan nom lah ya hehehe. Mbuh nangapa ko nek krungu masa cilik kayong kupingku mandan sensitif. Ya ora kur kupingku tok sih, perasaane mbarang :D
Tek akuni dewek, nyong siki angel mlakune nek ora ana
hp, apa maning nek ora ana kuota. Padahal mlaku ya anggo sikil ko ora anggo hp
karo kuota, jan angele ya hahaha.
Jaman semene sirahe nyong ko kayong cepet banget gole
mumet, apa merga wis tua, apa merga teknologi canggih sing cepet banget ngewei
informasi nganti uteke kesel gole nampani? Ya ngonoh pada dijawab dewek-dewek.
Balik maning meng jaman 90-an. Siki-siki nek nyong wengi-wengi
ora bisa turu nang kos dewekan, kadang-kadang seneng ngeling-eling jaman
mbingkana. YaAlloh kayong kangen temen ya pengin bali maning meng jaman cilik.
Moga-moga bae siki nyong gole nulis ora karo nangis
lah hahaha. Kiye sing tek bahas sing sering tek eling-eling nang nyong,
mbok-mbok esih ana liyane ya ngonoh ditambahi dewek nang komenan ngisor.
1.
Gimbot
Dolanan sing
tek rasa-rasa mbiyeng kayong istimewa banget. Nek nyong ngaranine gimbot, bahasa
kerene ya tetris utawa gembot. Mbiyen biyunge mesti pada mumet ya nek ngadepi
anake njaluk tuku gimbot. Nek nyong ora salah mbiyen regane 15.000, kue be tanggaku
sing ditukokna mbekayune sing bar mranto nang Jakarta.
Jan jebule
gampang temen ya jaman mbiyen oleh-oleh mranto enggane gimbot. Gimbot siji nggo
rebutan bocah seumah. Siki nek arep tuku gimbot si nangendi ya. Nggo adine ben
aja dolanan hp hahaha.
2.
Telpon kudu meng wartel
Jaman
semana pas nyong esih cilik. Esuk-esuk setengah 6 ngintil biyunge meng wartel. Arep
telepon mbekayune sing mranto nang Jakarta enggane kudu uput-uput mlaku sekilo
meng wartel.
Mbiyen esih
cilik nyong ora tau nganggo telepon nang wartel, kur ndelengi biyunge tok. Barang
siki ora mawi meng wartel, dadine ya ora ngerti kepriwe rasane.
Kur nyong
kelingan momen-momen gole mlaku adoh nggal esuk. Ya temenan gawe kangen.
3.
Udan-udanan karo plarakan
Kabeh umah
mbok ana talang banyune ya? Nek mbiyen kesempatan nek udan, akeh batire, pada
udan-udanan nang talang aring pinggir umah. Alesane nang biyunge ben sekalian
adus.
Jamane nyong
cilik bar udan-udanan, nggari plarakan aring latar ngarep ngumah sing kebek
banyu. Nganti latare alus nek ana wong lewat gelem keplarak.
Ana maning
sing tek kangeni. Udan gede, kalen ngarep ngumah kebek banyu. Kendang-kendangan
karo batir-batir dolan. Padahal kalene nang sanding dalan akeh wong liwat, tapi
ya ora denger isin.
Jajal batir-batirku
sing mbiyen, siki pada sibuk nang endi wkwkwkw
4.
Busekan wangi
Nyong wis
kelalen pira regane busekan wangi mbiyen. Sing genah meh kabeh bocah nang kelas
nganggone busekan wangi, ya pancen pas era-ne. gone nganggo nganti cilik menthik
esih dinggo bae.
Nek ora due
busekan wangi ya nganggo pensil sing praktis, ana busekane nang nduwure. Nulis
nganggo pensil, nek salah nggari dibalik pensile, dihapus. Sing mandan modern pas
masa kue ya nganggo pensil sing isi ulang wkwkwk
Nek kelase
wis mandan duwur kaya kelas 3 meng nduwur, nganggone pulpen. Ana sing nganggo
pulpen mewah (siji pulpen warnane akeh, tapi mandan angel nyekele soale pulpene
gendut).
Ana maning
pulpen wangi sing jere ana narkobane. Tekan siki ya nyong ora ngerti kebenarane.
Pancen ngertine kes lambe meng lambe tok wkwk
5.
Kitiran plastik
Diplintir-plintir
ben bisa mabur. Mabure ta ora suwe tapi nek duwe kitiran plastik kiye rasane
terpuaskan. Kaya dolanan apa bae menarik banget nggo dituku. Nek dieling-eling
jaman semana ya melas karo biyunge ya jebule jalukane werna-werna, barang wis gede
ora bisa aweh apa-apa hehehe.
Siki mbuh
esih ana bakul kitiran mbuh ora. Nek ana ya sukur kena nggo eneng-eneng bocah
ben mandan adoh disit kes dunia digital.
6.
Tulupan
Nyong bocah
wadon tapi nek babagan dolan mesti karo bocah lanang. Jarang-jarang banget
dolan karo batir wadon. Pisan pindho dolan karo batir wadon malah gelut, batire
tek tangis hahaha
Mbiyen nek
kakange digawekna tulup kes pring nang ramane, nyong kudu melu digawekna. Gole ngetes
bolongane nganggo kertas cilik dirumpes, mbene didamu.
Bar digawekna
tulup nggari dolan alas nggolet lempeni mentah nggo plurune. Lempeni sing
mateng warna ungu dipangani. Pernah krungu jere lempeni kue empan ula. Tapi sengertiku
empan ula buahe lewih gede sekang lempeni, dadine ya enak bae nek mangan
lempeni wkwkw
7.
Balon tiup
Mbiyen pas
nyong tuku balon tiup siji regane 100 rupiah, kena nggo bola bali. Tekan siki
ya ilatku esih kelingan rasane balon tiup kaya ngapa.
Tapi siki
kayane esih ana sing dodolan balon tiup senajan regane ya beda karo pas jamanku
cilik. Soale ponakanku SD esih sering nggawa balon tiup nek bali sekolah. Dadine
nek nyong weruh deweke agi dolanan balon tiup, tak deleng-deleng, tek guyu,
jane ya nyong anu kelingan jaman mbingkana. Jebule wis tua ya siki haha.
(Baca juga : Kene Kenalan Karo Blogger Ngapak Kebumen)
8.
Parasut superhero
Pokoke nek
kakange tuku apa, nyong kudu melu. Kudu pada. Misale tuku parasut hero. Wis ngrasakna
terjun paying versi mini, walaupun tekan siki urung keturutan terjun payung,
tapi masa cilik wis ngewei pengalaman wkw
9.
Ngeduki bengkoange wong
Kiye real life nggonku banget. Bali sekolah
karo batir-batire, karo kakange, ngeduki bengkoange wong nang sanding kuburan. Senajan
siki wis mandan kelalen mbiyen rasa bengkoang hasil nyolonge kaya ngapa, tapi
nyong tetep pengin bali maning nang jaman mbingkana.
10.
Umpet-umpetan
Jaman siki
esih ana bocah cilik dolanan umpet-umpetan. Pancen nek menghibur kue mesti maen
nek dilakoni.
Jejel bae
rika siki nek mumet bar kerja mikir kae mikir kiye, jejel diobati umpet-umpetan karo
batir kerja. Yoh apa enggane mumete langsung ilang ya hahaha
11.
Brok-brokan
Nek nang
daerahku jenenge brok-brokan. Pingsut disit ben ngerti sapa disit sing arep dolanan. Jamanku cilik umahe esih lemah. Dadine brok-brokan nang njero
umah, lemahe digarisi nganggo pethilan gendeng.
Ana sing
brok-brokan biasa, ana sing brok-brokan masjid. Paling nduwur ana bentuk kubahe.
Wkwkw
12.
Betengan
Betengan mungkin
filosofine sekang benteng mbok ya, kue nek menurutku dewek. Soale dolanane kaya
mempertahankan bentenge dewek-dewek ben aja nganti diambah lawan. Ya walaupun
betenge kur nganggo pethilan gendeng hahaha.
13.
Gosokan areng
Ora kur
dolanan tok sing dipikirna kone biyunge, dadine ya dadi kelingan gosokan areng.
Mbakar bathok krambil disit nang pawong nggo gawe bamba. Nek wis dadi bamba
nggari disogna gosokan.
Kelingan mbiyen
benike mbekayuku jaman SMK pada prithil gara-gara gosokane kepanasen haha
14.
Gosok metu gambare
Kiye pancen
aku ngalami kes jaman SD kelas 1. Biyung-biyung gole pada ngomong sih “jan
kreatif temen ya bakule”. Ya pancen ya kudu ngakuni pada-pada, apa bae bisa
didol nggo bocah.
Tukune ya
ora adoh-adoh, bakule wis marani nang ngarep sekolahan. Sekalian karo adol
gulali, kepompong, lan esih akeh dolanan liyane.
Gole dolanan
ta gampang. Kertas polose nggari digosok nganggo duit. Bar kue kan metu dewek
gambare.
15.
Telpon kaleng
Nek kiye
ora mawi lunga esuk uput-uput meng wartel. Nggari golet kaleng bekas susu krimmer
2, dibolongi, disogi tali, wis bisa nggo telponan karo tanggane jan. ora butuh
pulsa ora butuh kuota haha
16.
Bepe bepe -an
Biasane gole
dolanan wong-wongan utawa nyong gole ngarani bepe bepe-an, gawe umahe disit
nganggo lemah dikotak-kotak nang ngarep ngumah. Wis kaya arsitek temenan pas jaman cilik. Bisa nentukna
sebelah kene kamare sapa, sebelah kana kamare sapa.
Sing genah,
wong-wongane diwei jenengan mbarang. Haha
17.
Nggolet tembukur
Nek nyong
bali meng umahe biyunge nang Kebumen, tek sempet-sempetna nongkrong nangarep
ngumah ngeling-ngeling jaman mbingkana. Bar kue nggari teka-teka
nguthek-nguthek lemah wetan ngumah nggoleti tembukur.
Kewan mlakune
mundur bae dadi daya tarik nggo bocah cilik ya wkwkw
(Baca Juga : Kenalan Sama Blogger Ngapak Kebumen)
18.
Dir – diran
Gole ndelengna
batire dolanan ta gambang. Barang dolanan dewek ko kalahan nganti utang dir
akeh aring batire. Mbuh batire siki esih kelingan apa ora karo utangku wkwk
Daerah liya
biasane gole ngomong gundu, udu dir. Bahasa Indonesia ya kelereng.
19.
Layangan
Nyong kelingan
banget kakange mbiyen gole gawe buntut layangan nganggo kertas bekas disambung-sambung
nganti dawa banget. Gole nempelna kertas nganggo upa (sega). Maning-maning
nyong bocah wadon ya ngintil bocah lanang layangan.
20.
Panggalan
Hebate bocah
lanang pas cilik, dolanane digawe dewek, walaupun kadang sing mandan angel ya
digawekna nang ramane. Nek kakangku mbiyen digawekna ramane, karo taline mbarang
digulungna nang ramane nganggo sewekan sarung.
21.
Egrang
Pertama nganggo
egrang mbiyen nangarep ngumah. Latian karo batir-batir sedina dadi. Gole latian
nganti sikile kapalen ben isa balapan nganggo egrang.
Lah barang wingi-wingi
njajal egrang maning ora bisa. Sih anu kepriwe ya. Apa kaboten awak siki.
Kepriwe lur
rika-rika dolanan mbiyen sing paling dikangeni apa. Apa maning beda kabupaten
ya, beda kecamatan bae biasane ana sing beda jenenge utawa dolanane. Jan yakin
nyong ta kangen temenan nek ngelingi sing mbiyen-mbiyen. Kayong ayem temen ya. Salam ngapak, ora ngapak genah ora kepenak.
